Cuyapo Hymn

Cuyapo, Bayan Ko

Sinulat ni: Denver B. Lopez

Sa dulong hilaga ng Nueva Ecija Ay bayang natatangi at sinisinta May masaganang tanimang ginto ang bunga Pagkaing dulot nito’y buhay sa bawat isa O ang bayan ko, Bayan ng Cuyapo Tubo dito lahing Cuyapeño, Lahing Pilipino

Binubuo ng limampu’t-isang barangay Likas ang pagtulong, sa kapwa’y may pagdamay Taimtim na panalangin sa Lumikha’y taglay May tradisyon at kulturang pinahahalagahang tunay Pagkakaisa sa puso, isip at diwa Sa bayang ito mga Cuyapeño’y payapa’t masaya

Paunlarin, tangkilikin sariling bayan natin Sa sipag at pagtitiyaga at magandang hangarin Sa bayang sinilangan, tagumpay kakamtin Himig nating Cuyapeño sama-samang awitin Cuyapo, Bayan ko maging buhay alay sa’yo Maipagmamalaking totoo dito’t sa buong mundo

Koda: Ang Bayan ng Cuyapeño, Bayan ng mga Pilipino O ang Bayan ko – Bayang Cuyapo Kapit bisig tayo, para sakin at sayo, sa Bayan ng Cuyapo

Video courtesy of Cel Mandapat